2012年7月15日 星期日

女人都係要定期「維修」~做機真的很重要!

「維修」原因

這幾星期,完完全全被工作打敗,忙都不可開交,結果之前保養得不錯的皮膚,就.......因為我的一個「懶」和一個「攰」字,攪砸了!!!
我毎天只用清水洗面,什麼也不塗就訓,有時塗了防晒就留到起床後才拿落妝卸掉,很恐佈吧!!!!
終於沒那麼忙,但我的面就如沙紙一樣,乾和粗糙到不得了!!!結果今天一有時間就趕去做FACIAL!!!面色暗黑,雙眼D紋現到呢!!!!






做FACIAL 前
以前斷斷續續幫親過唔同既FACIAL鋪,都有做過機,但做來做去都係超聲波、鑽石磨皮果D!!!!


宜家呢間小鋪係朋友偶然發現再介紹,佢其中一個好吸引既地方,就係宜係成日有新機到,唔會做來做去都係果幾部!


「維修工序」

由於我D角質好厚,通常去到我都會先做「鏟皮機」,毎次鏟完都即係滑返,所以對我來講真係好重要!

個「鏟皮機」有雙色光,紅色係美白,藍色係舒緩。妹妹今日都覺得我好好笑,因為平時佢做咩我都唔問,今日就係咁問!!
鏟完D死皮係晒水度,灰朦朦的(沒帶相機,好像影不太出來),再做埋針清。
之後,妹妹話我乾到爆,所以幫我做部新既「注氧機」,可以做好D個保濕喎!!
做既時候,有好涼既水噴係塊面度,但水珠好細,好似陣風咁,夏天做都幾舒服!
之後,再做熱感超音波機,妹妹話我面色太差,所以佢幫我用美白同保濕精華做導入,補返個底。


攪掂塊面,就終於到我好著重既眼啦!!因為我條眼紋實在令人老十年。雖然佢地有部新機,但我覺得即時最明顯都係「RF射頻機」,我既最愛!!!
呢支野會引入D電流,做既時候會跳吓跳吓咁,雖然有D唔舒服,習慣左就無事。不過,做完條眼紋即係會無咁明顯,眼角又會上返D,如果做埋面仲可以即時廋面,其實係去左D水腫。所以通常去飲前我都會去做一做!!哈哈!!!


之後,再做埋倒模同按摩肩頸,就攪掂!!


做前同做後
無帶相機,影唔太出個效果,但最明顯眼紋無咁深,摸落滑返晒!!!!


做左好幾年FACIAL ,我呢兩年先發現,做機實在太重要!!!雖然我係一個懶人,但定時去「維修」一下,都係必要!!所以話女人錢......













沒有留言:

張貼留言